Google ADS

Kërkojnë largimin e politikës nga Universiteti i Prizrenit, me pankarta në duar ndërprenë mbledhjen e Këshillit Drejtues

17:14 | 31 Tetor 2018
Arbresh.info

Këshilli i Studentëve në Universitetin e Prizrenit të pa kënaqur me gjendjen në të cilën gjendet universiteti i tyre, kanë organizuar sot një protestë duke u futur me pankarta në duar brenda sallës së Rektoratit të këtij universiteti ku gjendeshin anëtarët e Këshillit Drejtues.

Përmes kësaj protesta ata kanë kundërshtuar ndërhyrjen e politikës brenda universitetit.

“Ky është veç aksion simbolik për ndërprerjen e mbledhjes, përfundimi i së cilës do ta dërgonte Universitetin në humnerë. Ne nuk do të ndalem deri në momentin kur politika të heqë dorë nga Universiteti ynë”, thuhet në reagimin e lëshuar nga Këshilli i Studentëve të këtij universiteti.

Studentët kanë bërë thirrje edhe për ministrin e Arsimit, Shyqyri Bytyqi, që të vizitojë Universitetin e Prizrenit për të parë nga afër gjendjen në këtë institucion.

 

Shpërndaje në rrjete sociale

Lajmet më të lexuara

Të ngjashme

Foto lajm